Il-Ġimgħa 22 ta’ Ġunju 2012 – KOMMEMORAZZJONI TA’ PATRI ANASTASJU CUSCHIERI mill-
Akkademja tal-Malti u l-Provinċja Karmelitana Maltija.
L-istudenti tal-Kreattiv, il-Kor Sine Macula, in-Novum Ensemble u l-istudenti li ħadu sehem fir-reċti ta’ Jum iċ-Ċelebrazzjoni se janimaw serata mużiko-letterarja fil-Knisja tal-Madonna Tal-Karmnu nhar il-Ġimgħa 22 ta’ Ġunju. Dettalji iktar ‘il quddiem.
KANT WAQT IL-QUDDIESA S-SIBT 12 ta’ MEJJU 2012
Wara s-suċċess tal-attività waqt il-quddiesa tas-Sibt 28 t’April, l-istudenti tal-KREATTIV huma mistiedna biex is-Sibt li ġej jerġgħu jkantaw waqt il-quddiesa tas-6.30pm. Niltaqgħu fis-6.00pm għand is-sorijiet għal rehearsal qasir; fis-6.15pm nitilgħu fuq l-orgni biex nieħdu nanimaw il-quddiesa permezz tal-kant.
WARA L-QUDDIESA, FUQ IZ-ZUNTIER, SE TINGĦATA KOPJA TAS-CD “XEWQAT SBIEĦ” LILL-ISTUDENTI KOLLHA. Is-CDs huma kumpliment mingħand il-Kunsill Nazzjonali tal-Ilsien Malti.
Il-Ġimgħa 4 ta’ Mejju 2012 saret serata mużiko-letterarja fis-sala tal-iskola primarja ta’ Ħal Safi bil-parteċipazzjoni tal-istudenti tal-Proġett KREATTIV, il-Kor SINE MACULA u n-Novum Ensemble. 
Biex taraw video clips tas-serata morru fil-paġna VIDEOS.
Dawn ir-ritratti juru l-atmosfera waqt is-serata.
Kulħadd huwa mistieden jieħu sehem fl-evalwazzjoni tal-Proġett Kreattiv. Kif? Sempliċi. Niżżel dan id-dokument li ssib hawn taħt u ssejvjah fuq il-kompjuter tiegħek. Imlieħ, u erġa’ ibagħtu bħala attachment fuq l-indirizz elettroniku: pacetoni@gmail.com
Dokument għall-evalwazzjoni – ikklikkja hawn: evalwazzjoni-KREATTIV
Grazzi bil-quddiem.
Toni Pace
Is-CD XEWQAT SBIEĦ, bl-għanjiet ta’ ċelebrazzjoni Happy Birthday u He’s a Jolly Good Fellow, b’versjoni Maltija, irrekordjata fl-istudios ta’ Mro Dominic Galea mill-istudenti tal-Kreattiv ta’ Ħal Safi, fuq inizjattiva tal-Kunsill tal-Ilsien Malti, ħarġet it-Tnejn 23 t’April. Il-mużika tkantat għall-ewwel darba fl-okkażjoni ta’ għeluq snin il-President ta’ Malta Dr George Abela.
ISMA’ D-DISKA XEWQAT SBIEĦ: (A) Ferħ u Awguri >>>>>>> (B) Kemm Għandu Qalbu Tajba >>>>> (C) Kemm Għandha Qalbha Tajba >>>>>>
Id-diska XEWQAT SBIEĦ se titqassam b’xejn lill-klassijiet kollha tal-Iskejjel Primarji.
Il-kappillan ta’ Ħal Safi jistieden lill-istudenti kollha tal-Kreattiv biex nhar is-Sibt 28 t’April ikantaw fil-quddiesa tas-6.30pm minn fuq l-orgni. Il-kantanti għandhom ikunu fuq iz-zuntier ħdejn il-bieb tal-orgni fis-6.15pm. Mhux bl-uniformi.
Għal din l-attività huma mistiedna dawk it-tfal kollha li xi darba matul dis-sena attendew għal-lezzjonijiet tal-Kreattiv.
